Tailandda qirol Pumipon Adulyadetning vafotidan so‘ng bir yildan ko‘proq davom etgan motam 30-oktabr, dushanba kuni yakunlandi. Bu haqda “TASS” xabar bermoqda.
Avvalroq motam munosabati bilan davlat tashkilotlari binolaridagi mamlakat bayrog‘i tushirilgan edi. Bugundan e’tiboran bayroqlar yana ko‘tarib qo‘yildi.
Jamoatchilik bilan aloqalar bo‘yicha hukumat departamenti mamlakatdagi motam rasman yakunlanishini e’lon qilgan.
Davlat xizmatchilariga oq-qora rangdagi motam libosini an’anaviy kundalik kiyimiga almashtirish tayinlandi. Davlat tashkilotlari binosining tashqi tomoniga ilingan oq-qora tasmalar ham olib tashlangan.
Rama IX 2016-yilning 13-oktabrida uzoq davom etgan kasallikdan so‘ng 88 yoshda vafot etgandi.
Shu kunning o‘zidayoq mamlakatda bir yillik motam e’lon qilingan edi, biroq u qirol dafn etilganidan so‘ng bir necha haftagacha cho‘zildi.
Izoh (0)