Britaniyalik ishsiz erkak ko‘chadan Xitrou aeroportida xavfsizlikni ta’minlashga oid ma’lumotlar jamlangan fleshkani topib oldi

Londonning Xitrou aeroportida shahar ko‘chalaridan birida havo qo‘nalg‘asida xavfsizlikni ta’minlashga oid ma’lumotlar saqlangan fleshka topilishi munosabati bilan tekshiruv boshlandi. Bu haqda TJournal xabar bermoqda.

Sunday Mirror nashriga ko‘ra, fleshkani ishsiz erkak topib olgan. Unda aeroportda xavfsizlikni ta’minlash va aksilterror tadbirlariga tegishli 174 da hujjatdan iborat 76 ta fayl bo‘lgan.

Hujjatlarda Buyuk Britaniya qirolichasi Yelizaveta II aeroportga qaysi yo‘nalishdan kelishi va uni qo‘riqlash uchun qanday xavfsizlik choralari ko‘rilishi, shuningdek, mamlakat hukumati a’zolari yo‘nalishi va qo‘riqlanishiga oid ma’lumotlar, kameralar, tunnellar va aeroportdan chiqishlar joylashuvi chizmalari bo‘lgan.

Fayllarning aksariyatida “maxfiy” va “tanishish doirasi cheklangan” belgilari bo‘lgan, biroq hujjatlarni o‘qish uchun parol kiritilishini talab qilmagan. Fleshkani topib olgan erkakni aeroport xavfsizlik xizmati xodimlari so‘roqqa tutgani bildirilmoqda.