Таиландда қирол Пумипон Адульядетнинг вафотидан сўнг бир йилдан кўпроқ давом этган мотам 30 октябрь, душанба куни якунланди. Бу ҳақда «ТАСС» хабар бермоқда.
Аввалроқ мотам муносабати билан давлат ташкилотлари биноларидаги мамлакат байроғи туширилган эди. Бугундан эътиборан байроқлар яна кўтариб қўйилди.
Жамоатчилик билан алоқалар бўйича ҳукумат департаменти мамлакатдаги мотам расман якунланишини эълон қилган.
Давлат хизматчиларига оқ-қора рангдаги мотам либосини анъанавий кундалик кийимига алмаштириш тайинланди. Давлат ташкилотлари биносининг ташқи томонига илинган оқ-қора тасмалар ҳам олиб ташланган.
Рама IX 2016 йилнинг 13 октябрида узоқ давом этган касалликдан сўнг 88 ёшда вафот этганди.
Шу куннинг ўзидаёқ мамлакатда бир йиллик мотам эълон қилинган эди, бироқ у қирол дафн этилганидан сўнг бир неча ҳафтагача чўзилди.
Изоҳ (0)