Sirdaryoda ayol kishining J5 telefonini tortib olgan talonchi-retsidivist qo‘lga olindi

Sirdaryo viloyatida talonchilik holati fosh etildi, deb xabar berdi “Daryo”ga viloyat IIB matbuot xizmati.

“28-oktabr kuni Sirdaryoning Shirin shahri IIBga ariza bilan N. Hamidova murojaat qilib, 27-oktabr kuni soat 22:50 da tanishinikidan chiqib Shirin shahar hududi bo‘ylab Guliston shahriga ketish maqsadida avtomashinalar shohbekatiga kichik ko‘cha bo‘ylab ketayotgan vaqtida noma’lum shaxs mast holda unga gap otganligini ta’kidladi”, — deyiladi xabarda.

N. Hamidova uning gaplariga javob bermasdan yo‘lida davom etgan vaqtida noma’lum shaxs qo‘lidan narxi 1,5 million so‘mlik Samsung Galaxy J5 rusumli uyali telefon apparatini tortib olib, voqea joyidan qochib ketdi.

Shirin shahar IIB xodimlarining olib borilgan tezkor-tergov tadibiri davomida mazkur jinoyatni 40 yoshli Namangan viloyatidan kelgan B. Muhammedov sodir etilganligi aniqlanib, undan N. Hamidovaga tegishli Galaxy J5 rusumli uyali telefon apparati olindi va jabrlanuvchiga qaytarib berilgan.

Holat yuzasidan N. Muhammedovga nisbatan JKning 166-moddasi (talonchilik) bilan jinoyat ishi qo‘zg‘atilib tergov harakatlari olib borilmoqda.

Jinoyat sodir etgan shaxs muqaddam qasddan badanga yengil shikast yetkazish jinoyatini sodir qilgani aniqlandi.