Kambodja huquq-tartibot idoralari ommaviy telekommunikatsiyalar yordamida firibgarlikda ayblangan 28 kishini Xitoyga ekstraditsiya qildi. 29-oktabr, yakshanba kuni ertalab ular rasmiylar ixtiyoriga topshirildi, deb xabar beradi “TASS”.
Xitoy jamoat xavfsizligi vazirligiga ko‘ra, barcha jinoyatchilar uzoq vaqt davomida investitsiya loyihasi tashkilotchilari yoki davlat idoralari vakillari niqobi ostida Xitoy fuqarolaridan pul undirib kelgan guruhga mansub.
Qo‘lga olish chog‘ida ulardan ko‘plab bank kartalari, shuningdek, jinoiy qilmishlarda foydalanilgan kompyuterlar va mobil telefonlar musodara etildi.
Sharqiy va Janubi-g‘arbiy Xitoy huquq-tartibot xodimlari sentabrda firibgarlar tarmog‘i iziga tushdi, joriy oyda esa Kambodja politsiyasi ko‘magida ularni qo‘lga olishga kirishdi.
Izoh (0)