Qirg‘iziston prezidenti Almazbek Atambayev o‘zining siyosatidan norozi bo‘lgan fuqarolarga boshqa joydan panoh topishni maslahat berdi, deb xabar qilmoqda “24.kg”.
“Mamlakatda sodir bo‘lgan so‘nggi hodisalar kim Qirg‘iziston tarafida va yana kim respublikani sotishga tayyor ekanligini ko‘rsatdi. Biz xuddi ota-bobolarimizdek mustaqillik uchun jonimizni fido qilishga tayyormiz. Vatanparvarlik — kimlar uchun shunchaki oddiy so‘z bo‘lsa, pul va yordam olib turadigan qulay maskaniga ko‘chib o‘tishlarini maslahat beraman”, — dedi Atambayev.
U qirg‘izsitonliklarga Qozog‘iston fuqaroligini olishi uchun soddalashtirilgan tartib mavjudligini eslatib o‘tdi. “Biz ularni jon deb qo‘yib yuboramiz. U yerda sizni qabul qilishadi, yerlari ko‘p”, — dedi mamlakat rahbari.
Eslatib o‘tamiz, Qozog‘iston TIV 9-oktabr kuni Qirg‘iziston prezidentining fikrlarini “fitna qo‘zg‘ovchi da’volar”, deb atagan edi.
Izoh (0)