Қирғизистон президенти Алмазбек Атамбаев ўзининг сиёсатидан норози бўлган фуқароларга бошқа жойдан паноҳ топишни маслаҳат берди, деб хабар қилмоқда «24.kg».
«Мамлакатда содир бўлган сўнгги ҳодисалар ким Қирғизистон тарафида ва яна ким республикани сотишга тайёр эканлигини кўрсатди. Биз худди ота-боболаримиздек мустақиллик учун жонимизни фидо қилишга тайёрмиз. Ватанпарварлик — кимлар учун шунчаки оддий сўз бўлса, пул ва ёрдам олиб турадиган қулай масканига кўчиб ўтишларини маслаҳат бераман», — деди Атамбаев.
У қирғизситонликларга Қозоғистон фуқаролигини олиши учун соддалаштирилган тартиб мавжудлигини эслатиб ўтди. «Биз уларни жон деб қўйиб юборамиз. У ерда сизни қабул қилишади, ерлари кўп», — деди мамлакат раҳбари.
Эслатиб ўтамиз, Қозоғистон ТИВ 9 октябрь куни Қирғизистон президентининг фикрларини «фитна қўзғовчи даъволар», деб атаган эди.
Изоҳ (0)