Iroq Kurdistoni budjetining daromadlari mustaqillik to‘g‘risidagi referendumdan so‘ng 2,5 barobardan ko‘proqqa qisqardi. Bu haqda avtonomiya parlamenti moliya va iqtisod masalalari qo‘mitasi raisi Izzat Sobir ma’lum qildi, deya xabar beradi “Gazeta.ru”.
“Referendum bilan bog‘liq ziddiyatlarga qadar Kurdistonning daromadlari har oy 800 million dollarni tashkil etayotgandi. Biroq hozirgi voqealar sabab neft eksporti pasayishi daromadlar 300 million dollar va undan ham kamroqqa tushib ketishiga olib keldi”, — dedi Izzat Sobir.
Deputat hozirda avtonomiya og‘ir iqtisodiy holatda ekanligini bildirdi.
Iroq neft vazirligi oldinroq xorijiy kompaniyalarni avtonomiya rasmiylari bilan neft masalasida hamkorlikdan tiyilishga chaqirib, bunga rioya etmaslik mamlakatning ichki ishlariga aralashish sifatida baholanishi haqida ogohlantirgandi.
Izoh (0)