“Qozog‘iston go‘zali 2016” g‘olibasi Gulbonu Azimxonova “Dunyo go‘zali 2017” tanlovida ishtirok etish uchun Xitoyga yetib keldi. Bu haqda “Qozog‘iston go‘zali”ning Instagram’dagi sahifasiga asoslanib, “Kazinform” xabar berdi.
“Bizning go‘zalimiz Gulbonu Azimxonova “Dunyo go‘zali” tanlovida ishtirok etish uchun Xitoyga uchib keldi. Tanlov finali 18-noyabr kuni Sanya shahrida bo‘lib o‘tadi, tayyorgalik avjida ketmoqda”, — deyiladi xabarda.
“Dunyo go‘zali” xalqaro tanlovi 67-marotaba o‘tkazilmoqda. Tashkilotchilarning so‘zlarga ko‘ra, u yangi formatda o‘tkaziladi. Format Head-to-Head Challenge deb nomlanib, 40 nafar ishtirokchi ichidan 20 nafari tanlab olinadi.
18 yoshli Gulbonu o‘tgan yilning dekabr oyida “Qozog‘iston go‘zali 2016” tanlovida g‘oliblikni qo‘lga kiritgan edi.
Izoh (0)