Qirg‘iziston parlamenti spikeri Chinibay Tursunbekov o‘z ixtiyori bilan iste’foga chiqishini e’lon qildi, deb yozadi “TASS”.
“Bir yarim yil davomida ishonchni oqlashga harakat qildim. Kimgadir mening pozitsiyam yoqishi mumkin, kimgadir esa yo‘q. Mening butun faoliyatim qonuniylik tamoyillariga asoslangan edi”, — dedi u qonun chiqaruvchi organ majlisida.
Tursunbekovning so‘zlariga ko‘ra, u iste’fo to‘g‘risidagi qarorni “prezident saylovida ko‘tarilib ketgan haroratni pasaytirish” uchun qabul qilgan.
Deputatlar spikerning iste’fosi masalasi bo‘yicha ovoz berganicha yo‘q.
Izoh (0)