Toshkent viloyatida bir haftada 31 ta yong‘in sodir bo‘ldi

Toshkent viloyatida 11-oktabr kunidan 18-oktabrga qadar — bir hafta davomida 31 ta yong‘in sodir bo‘ldi.Toshkent viloyat Ichki ishlar boshqarmasidan “Daryo”ga ma’lum qilishlaricha, yong‘inlar oqibatida tan jarohati olganlar yo‘q.

Viloyatda yong‘in xavfsizligini ta’minlash, yong‘in kelib chiqish sabablari oldini olish maqsadida hafta davomida 178 ta uy, 3 ming 157 ta xonadon, 3 ming 953 ta yakka tartibdagi aholi yashash uylari, 77 ta tashkilot, idora, ta’lim muassasalari va boshqa maskanlarda, 64 ta tadbirkorlik subyektlariga qarashli obyektlarda tekshiruvlar o‘tkazilgan.

Tekshiruvlar davomida yong‘in xavfsizligi qoidalarini buzish holatlari aniqlanib, javobgar shaxslar ma’muriy jarimaga tortilgan, yong‘in kelib chiqish xavfi bo‘lgan bino va inshootlarning ishi vaqtinchalik to‘xtatilgan.