Xiva shahridagi Ichan-qal’a muzey qo‘riqxonasi hududidagi Pahlavon Mahmud majmuasida ta’mirlash-tiklash ishlari amalga oshirilmoqda, deb yozadi O‘zA.
Shavkat Mirziyoyev Xorazm viloyatiga tashrifi doirasida mazkur majmuada olib borilayotgan ishlar bilan tanishish maqsadida ushbu hududda bo‘ldi. Qur’on tilovat qilindi.
“Ilgari bu joylar tashlandiq maskanga aylanib qolgan edi. Bu yerlar insonga ruhiy quvvat beradi. Buni kelayotgan ziyoratchilarning ko‘pligidan ham bilsa bo‘ladi”, — dedi Prezident.
Mazkur majmuaga kuniga o‘rtacha 400 ga yaqin ziyoratchi keladi. Ta’mirlash va qurilish ishlarini joriy yil oxirida yakuniga yetkazish ko‘zda tutilgan.
Ta’mirlashda barcha jihatlar e’tiborga olingan. Havo haroratining mo‘’tadilligini ta’minlovchi zamonaviy tizimlar o‘rnatilgan.
Davlat rahbari bu yerda ziyoratchilar uchun qo‘shimcha qulayliklar yaratish bo‘yicha ko‘rsatmalar berdi.
Shavkat Mirziyoyev Sherg‘ozixon madrasasini ko‘zdan kechirdi. Bu maskanda ta’lim olgan allomalar sharafiga tashkil qilingan muzey faoliyati bilan tanishdi.
Izoh (0)