Vazirlar Mahkamasining 2016-yil 13-maydagi qaroriga binoan, Alisher Navoiy nomidagi Toshkent davlat o‘zbek tili va adabiyoti universiteti Toshkent davlat pedagogika universitetining Yusuf Xos Hojib ko‘chasi, 103-uy hududidagi sobiq asosiy binosiga joylashishi e’lon qilingan edi.
Bugungi kunda ushbu hududlarda qurilish hamda rekonstruksiya ishlari oldindan rejalashtirilgan reja asosida davom etmoqda. Madina Nurman obyektda bo‘lib, fotoreportaj tayyorladi.
Xususan, yaqinda o‘rnatilgan Alisher Navoiy haykalining kichik pardozlash ishlari, universitet hududi atrofidagi aylanma yo‘lni tartibga keltirish harakatlari olib borilmoqda.
Eslatib o‘tamiz, avvalroq ushbu binolarda faoliyat olib borgan Nizomiy nomidagi Toshkent davlat pedagogika universiteti (TDPU) 1-son Toshkent pedagogika kolleji binolariga ko‘chirilgan edi.
Izoh (0)