TV5 Monde telekanali Buxoroga bag‘ishlangan lavha namoyishini boshladi. Bu haqda Turizmni rivojlantirish davlat qo‘mitasi matbuot xizmati ma’lum qildi.
“Keling, 15 asr avval savdo chorrahasi bo‘lgan shahar — Buxoroni o‘zimiz uchun qayta kashf etaylik. Uning tarixiy markazi yoshi 2 ming yildan ortiq. Buyuk Ipak yo‘lida joylashgan Buxoro Markaziy Osiyodagi yaxshi saqlanib qolgan shahar tizimiga misol bo‘la oladi.
Buxoro merosi turli davrlarga mansub binolarning noyob uyg‘unligi sababli bebahodir. 365 masjidga ega qadimiy shahar o‘z qadriyatlarini qanday avaylashni yaxshi biladi”, — deyiladi lavha annotatsiyasida.
Mazkur telekanalda oldinroq Turizmni rivojlantirish davlat qo‘mitasi bilan hamkorlikda olingan Samarqandga bag‘ishlangan lavha ham efirga uzatilgandi.
Samarqand va Buxoro haqidagi lavhalar fransuz tilidagi telekanal tomonidan dunyoning 43 mamlakati — sharqda Yaponiyadan g‘arbda Kanada, shimolda Belgiyadan janubda Janubiy Afrikagacha 3 yil davomida namoyish etiladi.
Izoh (0)