TV5 Monde телеканали Бухорога бағишланган лавҳа намойишини бошлади. Бу ҳақда Туризмни ривожлантириш давлат қўмитаси матбуот хизмати маълум қилди.
«Келинг, 15 аср аввал савдо чорраҳаси бўлган шаҳар — Бухорони ўзимиз учун қайта кашф этайлик. Унинг тарихий маркази ёши 2 минг йилдан ортиқ. Буюк Ипак йўлида жойлашган Бухоро Марказий Осиёдаги яхши сақланиб қолган шаҳар тизимига мисол бўла олади.
Бухоро мероси турли даврларга мансуб биноларнинг ноёб уйғунлиги сабабли бебаҳодир. 365 масжидга эга қадимий шаҳар ўз қадриятларини қандай авайлашни яхши билади», — дейилади лавҳа аннотациясида.
Мазкур телеканалда олдинроқ Туризмни ривожлантириш давлат қўмитаси билан ҳамкорликда олинган Самарқандга бағишланган лавҳа ҳам эфирга узатилганди.
Самарқанд ва Бухоро ҳақидаги лавҳалар француз тилидаги телеканал томонидан дунёнинг 43 мамлакати — шарқда Япониядан ғарбда Канада, шимолда Бельгиядан жанубда Жанубий Африкагача 3 йил давомида намойиш этилади.
Изоҳ (0)