Iroq bosh vaziri: Yil oxiriga qadar IShID mamlakatda to‘liq yo‘q qilinadi

IShID yil oxiriga qadar Iroq hududida to‘liq yo‘q qilinadi. Bu haqda mamlakat bosh vaziri Haydar al-Obodiy ma’lum qildi, deya xabar beradi “TASS”. 

“Avval va’da qilganimizdek, joriy yil mazkur guruh uchun Iroqda oxirgisi bo‘ladi. Hukumatning birlashgan kuchlari oldingi tuzum qulagandan beri Iroq qo‘shinlari oyog‘i yetmagan hududlarni ozod qildi”, — dedi bosh vazir. 

Haydar al-Obodiy oldinroq jangarilarning mamlakat shimolidagi so‘nggi tayanch nuqtasi — Al-Xuvayja to‘liq ozod etilganini e’lon qilgan va IShID faqat Suriya bilan chegaradagi hududni nazorat etayotganini bildirgandi. 

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.