Qirg‘iziston—Qozog‘iston chegarasida transport va yo‘lovchilarning tirbandligi Qirg‘iziston chegara xizmati kuchaytirilgan tartibda ishlashga o‘tgani bilan bog‘liq. Bu haqda Kazakhstan Today xabar bermoqda.
“2017-yil 10-oktabr, soat 18:00 dan boshlab Qirg‘iziston—Qozog‘iston davlat chegarasidagi punktlardan transport vositalari va kishilarni o‘tkazish kuchaytirilgan tartibda amalga oshirilmoqda. Shu munosabat bilan chegarada yo‘lovchi oqimi, yuklar va transport vositalari to‘planib qolishi kuzatilmoqda”, — deyiladi Qirg‘iziston chegara xizmati xabarida.
Qirg‘iziston chegara xizmati mamlakatda prezidentlik sayloviga tayyorgarlik va uning o‘tkazilishi munosabati bilan kuchaytirilgan tartibda ishlashga o‘tgani bildirilmoqda.
Eslatib o‘tamiz, Qirg‘izistonda prezidentlik saylovi 15-oktabr, yakshanba kuni bo‘lib o‘tadi.
Izoh (0)