KXDR 2016-yilda yopilgan Keson industrial kompleksidagi Janubiy Koreya fabrikalari quvvatidan maxfiy ravishda foydalanmoqda. Bu haqda KBS raidostansiyasiga tayanib, “TASS” xabar berdi.
Xitoydagi manbalarning ma’lumot berishicha, Kesonda Janubiy Koreya ruxsatisiz 19 ta zavod ishga tushgan. Mahsulotlarning bir qismi ichki bozorga ketadi, biroq fabrikalarning asosiy ishi Xitoy buyurtmalarini bajarishdan iborat bo‘lgan.
Manbaning so‘zlariga ko‘ra, BMT Xavfsizlik Kengashining sentabr oyida qabul qilgan 2375 rezolyutsiyaga muvofiq, KXDR yaqin orada Kesonda joylashgan Janubiy Koreya zavodlaridan foyda olish imkoniyatini yo‘qotadi. Shuningdek, ta’kidlanishicha, Shimoliy Koreya “Janub” fabrikalaridan olti oydan ortiqroq vaqtdan beri foydalanib kelmoqda.
Kesondagi texnopark birinchi bor 2004-yilda ochilgan. U yerdagi 124 ta Janubiy Koreya tashkilotlarida 54 mingdan ortiq Shimoliy koreyaliklar ishlashar edi. 2015-yilda uning faoliyati ortidan 500 million dollardan ortiq daromad kelgan. Kompleks KXDR 2016-yilda yadroviy sinov hamda raketa tashuvchilarni sinovdan o‘tkazishni boshlaganidan so‘ng yopilgan edi.
BMT Xavsizlik Kengashi 11-sentabr kuni KXDRga qarshi sanksiyalarni kuchaytirish to‘g‘risidagi rezolyutsiyani qabul qilgandi.
Izoh (0)