Kim Chen In Yaponiyaga “yadro bulutlari” bilan tahdid qildi

Shimoliy Koreya yetakchisi Kim Chen In, rahbariyati Pxenyanga qarshi yangi sanksiyalar qo‘llashga chaqirishni to‘xtatmagan taqdirda, Yaponiyaga “yadro bulutlari” bilan tahdid qildi. Bu haqda Koreya markaziy telegraf agentligiga tayanib, Kyodo news ma’lum qildi, deya xabar beradi “Korrespondent.net”.

“Yaponiyaning bunday shantaji Koreya yarim orolida keskinlikni qo‘zg‘aydi va Yapon arxipelagiga yadro bulutini olib keladigan o‘z joniga qasddir. Portlash darajasigacha borib yetgan vaziyat qachon yadro urushiga aylanishini hech kim bilmaydi, biroq bu sodir bo‘lsa, arxipelag bir zumda alanga ichida qoladi”, — deyiladi Kim Chen Inning bayonotida.

Koreya markaziy telegraf agentligi bu o‘rinda Yaponiya bosh vaziri Sindzo Abening BMT Bosh assambleyasidagi chiqishini nazarda tutgandi. Abe o‘z nutqida xalqaro hamjamiyatni KXDR mahsulotlari eksportini blokirovka qilishga chaqirgandi.