Pokiston muassasalararo razvedka boshqarmasi (ISI) terrorchi guruhlar bilan aloqalarga ega. Bu haqda AQSh shtab boshliqlari birlashgan qo‘mitasi raisi Jozef Danford ma’lum qildi, deya xabar beradi Reuters.
AQSh rasmiylari Pokiston jangarilar guruhlari, jumladan, “Tolibon” va “Haqqoniy tarmog‘i”ga qarshi harakat qilishni istamasligidan allaqachon hafsalasi pir bo‘lgani bildirilmoqda.
O‘tgan yil iyulida Afg‘oniston razvedkasining sobiq rahbari Rahmatulla Nabil Pokiston rasmiylari toliblar va “Haqqoniy tarmog‘i”ga 2014—2015-yillarda yordam berganligini isbotlovchi hujjatlarni e’lon qilgandi. Materiallar orasida terrorchilarga Pokiston hududida boshpana berish va Kobul aeroportiga hujum uchun mukofot va’da qilish haqidagi ko‘rsatmalar mavjud.
Nabil hujjatlarni qayerdan olganligini ma’lum qilmadi, ularning haqiqiy ekanligi ham tasdiqlanmadi.
Izoh (0)