Amerika prezidenti Donald Tramp ma’muriyati Kongressga dovullar natijasida jabrlanganlarga yordam berish uchun 29 milliard dollar ajratish bo‘yicha so‘rovni yo‘naltiradi, deb yozadi “RBK”. Bu haqda Associated Press’ga ism-sharifini oshkor etishni istamagan amerikalik mansabdorlar ma’lum qilgan.
Ularning so‘zlariga ko‘ra, ushbu mablag‘ning 16 milliard dollari davlat gumanitar oziq-ovqat dasturiga, 13 milliardi esa — bevosita ofat qurbonlariga sarflanadi.
Oziq-ovqat dasturiga pul yetishmayapti, chunki undan “Xarvi”, “Irma” va “Mariya” dovullaridan aziyat chekkanlar oziq-ovqat olmoqda. Ayni vaqtda favqulodda holatlar bo‘yicha AQSh federal agentligi dovuldan jabrlanganlarga yordam berish uchun ajratilgan mablag‘ni sarflamoqda va qo‘shimcha moliyalashtirishni so‘ramoqda.
Oq uy so‘rovni Kongressga 4-oktabr, chorshanba kuni rasman yo‘llaydi.
Izoh (0)