Rossiya Havo-kosmik kuchlari ikki sutka ichida Frot daryosining sharqiy sohillaridagi IShID tashkilotining 304 nafar jangarisini yo‘q qildi. Bu haqda Rossiya Mudofaa vazirligining rasmiy vakili general-mayor Igor Konashenkovga asoslanib, “TASS”xabar berdi.
Mudofaa vazirligining ma’lumotlariga ko‘ra, tashkilotning 304 jangarisi, shuningdek, turli darajadagi yettita dala qo‘mondonlari yo‘q qilingan va yana 170 dan ortig‘i jarohat olgan.
“Jumladan, ular ichida IShIDning Frot vodiysidagi qo‘shinlari harakatini yo‘naltirib turuvchi qozog‘istonlik Abu Islom al-Qozoqiy ham bor”, — deya ta’kidladi Konashenkov. Shuningdek, uning ma’lum qilishicha, aviazarba oqibatida IShIDning xorijlik yollanma jangarilarini tayyorlovchi markazi,“jumladan, 40 ga yaqin Shimoliy kavkazlik jangarilar hamda terrorchilarning mobil snayper guruhi” yo‘q qilingan.
Konashenkovning so‘zlariga ko‘ra, Rossiya Havo-kosmik kuchlari terrorchilarining uchta qo‘mondonlik punktini, to‘qqizda tayanch punktini, to‘rtta qurol-yarog‘ omborini, sakkizta tankini, uchta artilleriya qurilmalarini, yuqori kalibrli qurollar o‘rnatilgan 17 ta yo‘ltanlamasini yo‘q qilgan.
2017-yilning 22-sentabridagi ma’lumotlarga ko‘ra, Rossiya samolyotlari ushbu operatsiyalarni boshlaganidan beri Suriyaga 30 mingdan ortiq parvozlarni amalga oshirgan, 92 mingdan ortiq zarba bergan.
Izoh (0)