1-oktabr kuni Kataloniya mustaqilligi uchun bo‘lib o‘tgan referendum jarayonida 431 nafar politsiya ofitseri va Ispaniya fuqarolik gvardiyasi xodimlari jarohat oldi. Bu haqda Ispaniya IIVga asoslanib Europa Press ma’lum qildi, deb xabar berdi “Korrespondent.net”.
Idorada ta’kidlanishicha, jarohat olganlar soni 2-oktabr, dushanba kuni, huquq tartibot xodimlari sud qarorini bajarish vaqtida duch kelgan to‘qnashuv jarayonida olgan barcha ko‘karishlari, tirnashlari va hatto tishlangan joylari ma’lum bo‘lgach ortib ketdi.
1-oktabr, yakshanba kuni Ispaniya hukumati 11 nafar harbiy yaralanganini ma’lum qilgandi, birozdan keyin ularning soni 39 kishiga yetgan.
Shu bilan birga, jeneralitat 38 nafar odam jarblangani haqida xabar bergandi. Mahalliy vaqt bilan soat ikkida jeneralitat 300 dan ortiq odam jarohat olganini sanagan. Bir necha soat ichida ularning soni 450 kishiga yetgan. Uchastkalar yopilganidan so‘ng, ularning soni 750 dan ortgan. So‘nggi ma’lumotlarga ko‘ra, jarohat olganlar soni salkam 900 kishini tashkil etmoqda.
Izoh (0)