IShID terrorchilik guruhining neft savdosidan oladigan daromadi so‘nggi ikki yil ichida 90 foizga kamayib ketdi. Bu haqda USA Today AQSh rahbarligidagi aksilterrorchilik koalitsiyasidagi manbalariga tayanib ma’lum qildi, deb yozadi “RBK”.
IShID daromadining yarmini tashkil qilgan neft savdosi tushumi 2015-yildan buyon 50 million dollarga kamayib, 4 million dollargacha tushib qolgan. Jangarilar neftli tankerlarni vositachilarga sotgan, ular esa neftni kontrabanda yo‘li bilan boshqa mamlakatlarga chiqarib ketgan yoki Suriyadagi mahalliy bozorlarda sotgan.
IShID daromadlarining qolgan yarmini egallab olingan hududlarda banklarni o‘marish va aholiga soliq solish ta’minlagan. O‘griliklar natijasida jangarilar 500 million dollardan ortiq mablag‘ni o‘zlashtirgan.
“Daromadlarining yarmidan ayrilish — ko‘p narsani anglatadi. Ularning hududi qisqarmoqda, shuningdek, aholiga soliq solish imkoniyatlari ham kamaymoqda”, — dedi Vashingtondagi Yaqin Sharq siyosati instituti tahlilchisi Endryu Tabler.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)