ИШИД террорчилик гуруҳининг нефть савдосидан оладиган даромади сўнгги икки йил ичида 90 фоизга камайиб кетди. Бу ҳақда USA Today АҚШ раҳбарлигидаги аксилтеррорчилик коалициясидаги манбаларига таяниб маълум қилди, деб ёзади «РБК».
ИШИД даромадининг ярмини ташкил қилган нефть савдоси тушуми 2015 йилдан буён 50 миллион долларга камайиб, 4 миллион долларгача тушиб қолган. Жангарилар нефтли танкерларни воситачиларга сотган, улар эса нефтни контрабанда йўли билан бошқа мамлакатларга чиқариб кетган ёки Суриядаги маҳаллий бозорларда сотган.
ИШИД даромадларининг қолган ярмини эгаллаб олинган ҳудудларда банкларни ўмариш ва аҳолига солиқ солиш таъминлаган. Ўгриликлар натижасида жангарилар 500 миллион доллардан ортиқ маблағни ўзлаштирган.
«Даромадларининг ярмидан айрилиш — кўп нарсани англатади. Уларнинг ҳудуди қисқармоқда, шунингдек, аҳолига солиқ солиш имкониятлари ҳам камаймоқда», — деди Вашингтондаги Яқин Шарқ сиёсати институти таҳлилчиси Эндрю Таблер.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)