2-oktabrning e’tiborga molik yangiliklari — “Daryo”ning kechki dayjestida.
1. O‘zbеkiston va Qirg‘iziston o‘rtasidagi “Vodil” va “Madaniyat” chegara postlari piyodalar uchun ochildi. O‘zbekiston va Qirg‘iziston 20 yil deganda ilk marta davlat chegaralarini belgilab oldi.
2. IShID Las-Vegasdagi otishma uchun javobgarlikni o‘z zimmasiga oldi. Hodisa oqibatida hozirgacha 58 kishi halok bo‘ldi, 500 dan ortiq odam jarohat oldi.
3. O‘zbekistonda dollar kursi 6,16 so‘mga pasaydi. Ketma-ket to‘rtinchi hafta pasayayotgan AQSh dollari 3-oktabrdan boshlab 8060,80 so‘m etib belgilandi.
4. O‘zbekistonlik 400 mingga yaqin mehnat muhojiri Rossiyadan “deport” qilingan va “qora ro‘yxat”ga kiritilgan. Tashqi mehnat migratsiyasi agentligi rossiyalik sheriklar bilan mehnat muhojirlarini mazkur “qora ro‘yxat”dan chiqarish va Rossiyaga kirishga taqiq muddatini kamaytirish ustida ishlamoqda.
5. O‘zbekiston Qozog‘istonga elektr energiya qarzdorligi bo‘yicha 130 million dollar to‘ladi. O‘zbekiston yana 11,33 million dollar qarzni 2017-yil oxirigacha to‘lab beradi.
Izoh (0)