O‘zbekistonda faoliyat yuritayotgan 2 mingdan ziyod masjidni oliy diniy ma’lumotga ega imom-xatiblar bilan ta’minlash maqsadida Imom Buxoriy nomidagi Toshkent islom institutida maxsus sirtqi bo‘lim tashkil etildi. Bu haqda “Muslim.uz” xabar bermoqda.
Sirtqi bo‘limga O‘zbekiston musulmonlari idorasi tasarrufidagi o‘rta maxsus islom ta’lim muassasalarini tamomlagan, 5 yil va undan ortiq muddat davomida idora tizimidagi masjidlarda imom-xatib vazifasida faoliyat olib borayotgan O‘zbekiston fuqarolari tanlov asosida qabul qilinadi.
2017—2018-o‘quv yili uchun maxsus sirtqi bo‘limga abituriyentlardan hujjatlarni qabul qilish joriy yil 2-oktabridan 10-oktabr kuniga qadar qabul qilinadi.
Abituriyentlar o‘rta maxsus islom bilim yurtlarining o‘quv dasturlari asosida fiqh, aqoid va arab tili fanlari bo‘yicha og‘zaki ijodiy imtihon topshiradi. O‘qish muddati 3 yil.
Izoh (0)