Jizzaxdagi zilzila, Mirziyoyevning o‘qituvchi va murabbiylarga tabrigi, 5 yil amal qiladigan plastik kartalar va kunning boshqa muhim xabarlari

29-sentabrning e’tiborga molik yangiliklari — “Daryo”ning kechki dayjestida.

1. “Toshkent” seysmostansiyasi: Jizzaxdagi zilzila kuchi Toshkentda 4 ballni tashkil etdi. Markazi Zomindan 27 kilometr uzoqlikda joylashgan zilzila Toshkent va Jizzaxdan tashqari, Guliston, Samarqand, Olmaliq va boshqa shaharlarda ham sezilgan.

2. Shavkat Mirziyoyev O‘zbekiston o‘qituvchi va murabbiylariga tabrik yo‘lladi. “Sizlarning barchangizga hech qachon uzib bo‘lmaydigan qarzdorlik hissi bilan ta’zim qilamiz”, — deyiladi O‘zbekiston Prezidentining tabrigida.

3. Foto: Toshkent Shimoliy vokzali yaqinida qurilgan ko‘prik ochildi. Mirobod tumanidagi avvaldan mavjud 346 metrlik ko‘prik rekonstruksiya qilindi — unga qo‘shimcha 281 metrlik yo‘l o‘tkazgich ulandi.

4. Shavkat Mirziyoyev Janubiy Koreya va Yaponiyaga safar qiladi. Yil oxirigacha Afg‘oniston prezidenti Ashraf G‘ani O‘zbekistonga keladi, ammo uning tashrifi sanasi hali belgilanmagan.

5. Plastik kartalar endi besh yillik amal qilish muddati bilan chiqariladi. Shu kungacha UzCard EMV plastik kartalari uch yillik amal qilish muddati bilan chiqarilayotgan edi.