O‘zbekiston Prezidenti Shavkat Mirziyoyev Janubiy Koreya va Yaponiyaga safar qiladi. Bu haqda Xalqaro press-klubning 29-sentabr kuni bo‘lib o‘tgan sessiyasida qatnashgan tashqi ishlar vaziri Abdulaziz Komilov ma’lum qildi.
TIV rahbarining qayd etishicha, hozirgi vaqtda O‘zbekiston Prezidentining Janubiy Koreya va Yaponiyaga tashrifiga tayyorgarlik ko‘rilmoqda. Ayni vaqtda, vazir tashriflarning sanalariga aniqlik kiritmadi.
Ma’lumot uchun, 26-sentabr kuni Prezident Shavkat Mirziyoyev Janubiy Koreya parlamenti rahbari Chon Se Gyunni qabul qilgan edi. Uchrashuv chog‘ida rasmiy Seul Shavkat Mirziyoyevning tez orada Janubiy Koreyaga tashrif bilan borishini kutayotgani ma’lum qilingan edi.
Qayd etish joiz, O‘zbekiston Prezidenti Shavkat Mirziyoyev 2017-yilning boshidan beri Turkmaniston (3 marta), Qozog‘iston (4 marta), Rossiya, Xitoy, Saudiya Arabistoni, Qirg‘iziston va AQShda bo‘ldi.
Izoh (0)