Германия МСК бундестагга сайловлар натижаларини эълон қилди

Германия Марказий сайлов комиссияси мамлакат парламентига сайловларнинг дастлабки якунларини эълон қилди, деб ёзади «Газета.ru».

Барча округлардан келиб тушган маълумотлар кўриб чиқилгач, МСК Германия канцлери Ангела Меркель раҳбарлигидаги Христиан-демократик иттифоқ/Христиан-социал иттифоқ альянси овозларнинг 33 фоизини тўплаганини маълум қилди (ХДИ — 26,8 фоиз, ХСИ — 6,2 фоиз). Ундан кейинги ўринда Германия социал-демократик партияси 20,5 фоизлик натижа билан жойлашди.

Учинчи ўринда — 12,6 фоиз овоз тўплаган «Германия учун альтернатива» ўнглар партияси.

Шунингдек, 5 фоизлик чегарадан ўтиб, бундестагга Эркин демократик партия (10,7 фоиз), «Сўллар» (9,2 фоиз) ва «Яшиллар» (8,9 фоиз) ўтади.