Shimoliy Koreyaning DPRK Today (“KXDR bugun”) sayti mamlakat raketalari AQShning B-1B va F-15 samolyotlari, shuningdek, USS Carl Vinson aviatashuvchisini “yakson qilgani” aks etgan videokollajni e’lon qildi. Bu haqda “RBK” xabar bermoqda.
Film AQSh prezidenti Donald Trampning amerikalik harbiylar oldidagi chiqishi lavhalari namoyishidan boshlanadi. Shundan so‘ng Amerika samolyotlari fotolari va KXDR raketalari uchirilishi videosi montaj qilinadi.
Keyinchalik kompyuter grafikasi yordamida AQSh samolyotlari “yo‘q qilinishi” ko‘rsatiladi, Carl Vinson aviatashuvchisi esa suvosti kemasidan uchirilgan raketa “nishoni”ga aylanadi.
Mazkur kollaj e’lon qilinishidan bir kun avval Qo‘shma Shtatlarning B-1B Lancer bombardimonchilari F-15 Eagle qiruvchilari hamrohligida Shimoliy Koreya chegarasi yaqinidan uchib o‘tgani bildirilmoqda.
Izoh (0)