AQSh armiyasi amerikalik harbiylar uchun o‘quv qo‘llanmasini taqdim etdi, unda gibrid urushlarda rossiyalik harbiylarga qarshi turish uslublari haqida aytiladi, deb yozadi “Kommersant”.
Kitobda qurol-yarog‘lar suratlari chop etilgan bo‘lib, ularni, mualliflar fikricha, Rossiya zamonaviy nizolarda qo‘llashi mumkin. Rossiya harbiylari xatti-harakatlari tahliliga asos qilib Qrimdagi va Ukraina janubi-sharqidagi vaziyat olingan. Mualliflar Rossiya maxsus kuchlari bo‘linmalari ushbu operatsiyalarda yashirincha qatnashganini dalil qilib ko‘rsatmoqda.
Darslik mualliflari ta’kidlashicha, Rossiyaning zamonaviy harbiy strategiyasi mahalliy ayirmachilik guruhlari ko‘magida rejimlarni almashtirishga qaratilgan.
Qo‘llanmada, shuningdek, Rossiya harbiylarining zaif jihatlari ham tavsiflab berilgan. “Askarlarda motivatsiya yetishmasligi bor… Taktik yetakchilik rasmiy, logistika kuchsiz, aviatsiya va artilleriya ko‘magi kuchli bo‘lishi mumkin, ammo aniq emas”, — deyiladi kitobda.
Izoh (0)