Meksikada 19-sentabrda yuz bergan zilzila qurbonlari soni 305 kishiga yetdi. Bu haqda mamlakat fuqaro mudofaasi milliy koordinatori Luis Felipe Puente ma’lum qildi, deya xabar beradi “Kommersant”.
Oldinroq tabiiy ofat oqibatida 293 kishi o‘lgani bildirilgandi.
“Jami 305 kishi halok bo‘ldi: Mexiko shahrida 167, Morelos shtatida 73, Pueblada 45, Mexiko shtatida 13, Gerreroda 6 va Oaxakada 1 kishi”, — deya yozuv qoldirdi Luis Felipe Puente Twitter’dagi sahifasida.
Eslatib o‘tamiz, Oaxaka shtatida 6,2 magnitudali yangi zilzila ro‘y berdi. Qurbonlar va vayronagarchiliklar haqida ma’lumot berilmadi.
Izoh (0)