Шимолий Кореянинг DPRK Today («КХДР бугун») сайти мамлакат ракеталари АҚШнинг B-1B ва F-15 самолётлари, шунингдек, USS Carl Vinson авиаташувчисини «яксон қилгани» акс этган видеоколлажни эълон қилди. Бу ҳақда «РБК» хабар бермоқда.
Фильм АҚШ президенти Дональд Трампнинг америкалик ҳарбийлар олдидаги чиқиши лавҳалари намойишидан бошланади. Шундан сўнг Америка самолётлари фотолари ва КХДР ракеталари учирилиши видеоси монтаж қилинади.
Кейинчалик компьютер графикаси ёрдамида АҚШ самолётлари «йўқ қилиниши» кўрсатилади, Carl Vinson авиаташувчиси эса сувости кемасидан учирилган ракета «нишони»га айланади.
Мазкур коллаж эълон қилинишидан бир кун аввал Қўшма Штатларнинг B-1B Lancer бомбардимончилари F-15 Eagle қирувчилари ҳамроҳлигида Шимолий Корея чегараси яқинидан учиб ўтгани билдирилмоқда.
Изоҳ (0)