Shotlandiyalik Mark Bomont velosipedda dunyo bo‘ylab 79 kunlik sayohatni yakuniga yetkazdi va yangi jahon rekordini o‘rnatdi. U 29 ming kilometrni bosib o‘tdi va 16 ta mamlakatda bo‘ldi. Bu haqda “Korrespondent.net” xabar berdi.
Xabar qilinishicha, u Parijdan 2-iyulda yo‘lga chiqdi va 18-sentabrda qaytib keldi. Bomont har kuni o‘rtacha 16 soat harakatlanib, 370 kilometr bosib o‘tgan.
Uyqu uchun kuniga besh soat sarflagan va shu tariqa avvalgi rekordchidan 44 kunga oldinlab ketgan.
Safar yakunida shotlandiyalik velosipedchi bu sayohat uning uchun ham jismoniy, ham aqliy jihatdan sinov bo‘lganini tan oldi.
Dunyo bo‘ylab sayohat davomida velosipedchining holatini tajribali jamoa kuzatib borgan, xususan, dietolog, mexanik va fizioterapevt.
Izoh (0)