Buyuk Britaniya va AQSh Bashar Asad hokimiyatdan ketmaguncha Suriyani tiklashda ishtirok etmasligi ma’lum qilindi

Buyuk Britaniya, AQSh va “Suriya do‘stlari guruhi”ga kiruvchi boshqa davlatlar prezident Bashar Asad hokimiyatdan ketmaguncha mamlakatni tiklash ishlarida ishtirok etmaydi. Bu haqda Britaniya tashqi ishlar vaziri Boris Jonson ma’lum qildi, deya xabar beradi  “TASS”.

“Oldinga siljishning yagona yo‘li — Rossiya, Eron va Asad tuzumiga siyosiy jarayon ishga tushirilmaguncha Suriyani tiklashda ishtirok etmasligimizni bildirish, deb hisoblaymiz. Bu Xavfsizlik kengashi rezolyutsiyasiga muvofiq, Asad boshqaruvni topshirishini anglatadi”, — dedi Jonson.

AQSh Davlat kotibining Yaqin Sharq ishlari bo‘yicha yordamchisi Devid Satterfildga ko‘ra, “Suriya do‘stlari guruhi”ga kiruvchi davlatlar vakillari uchrashuviing barcha ishtirokchilari “boshqa mamlakatlar tiklanishida qatnashishi uchun” Suriyada siyosiy o‘tish jarayonini ishga tushirish zarurligini ta’kidladi.