Буюк Британия, АҚШ ва «Сурия дўстлари гуруҳи»га кирувчи бошқа давлатлар президент Башар Асад ҳокимиятдан кетмагунча мамлакатни тиклаш ишларида иштирок этмайди. Бу ҳақда Британия ташқи ишлар вазири Борис Жонсон маълум қилди, дея хабар беради «ТАСС».
«Олдинга силжишнинг ягона йўли — Россия, Эрон ва Асад тузумига сиёсий жараён ишга туширилмагунча Сурияни тиклашда иштирок этмаслигимизни билдириш, деб ҳисоблаймиз. Бу Хавфсизлик кенгаши резолюциясига мувофиқ, Асад бошқарувни топширишини англатади», — деди Жонсон.
АҚШ Давлат котибининг Яқин Шарқ ишлари бўйича ёрдамчиси Дэвид Саттерфилдга кўра, «Сурия дўстлари гуруҳи»га кирувчи давлатлар вакиллари учрашувиинг барча иштирокчилари «бошқа мамлакатлар тикланишида қатнашиши учун» Сурияда сиёсий ўтиш жараёнини ишга тушириш зарурлигини таъкидлади.
Изоҳ (0)