“Meni kut” (“Jdi menya”) dasturi Birinchi kanalda efirga chiqishdan to‘xtaydi

“Meni kut” (“Jdi menya”) teleko‘rsatuvi Rossiyaning Birinchi kanali orqali uzatilishi to‘xtatiladi, deb yozadi Meduza. Telekanal “VID” telekompaniyasi bilan ko‘rsatuvni ishlab chiqarish bo‘yicha yangi shartnomani imzolamaslikka qaror qildi.

“RBK”ning Birinchi kanaldagi manbasi so‘zlariga ko‘ra, buning asosiy sababi — “Meni kut” ko‘rsatuvining yangi jamoasi boshlovchi, aktyor Aleksandr Galibinni ishdan bo‘shatgani. Bu qaror telekanal bilan kelishmagan holda qabul qilingan.

Boshlovchilik uchun Birinchi kanal talablariga javob beruvchi yangi nomzod taklif qilinmagan. Xususan, telekanal aktyor Sergey Jigunov nomzodini rad etgan. Dasturni boshqa telekanalga ko‘chirish varianti ko‘rib chiqilyaptimi, yo‘qmi — bunga aniqlik kiritilmayapti.