«Мени кут» («Жди меня») телекўрсатуви Россиянинг Биринчи канали орқали узатилиши тўхтатилади, деб ёзади Meduza. Телеканал «ВИД» телекомпанияси билан кўрсатувни ишлаб чиқариш бўйича янги шартномани имзоламасликка қарор қилди.
«РБК»нинг Биринчи каналдаги манбаси сўзларига кўра, бунинг асосий сабаби — «Мени кут» кўрсатувининг янги жамоаси бошловчи, актёр Александр Галибинни ишдан бўшатгани. Бу қарор телеканал билан келишмаган ҳолда қабул қилинган.
Бошловчилик учун Биринчи канал талабларига жавоб берувчи янги номзод таклиф қилинмаган. Хусусан, телеканал актёр Сергей Жигунов номзодини рад этган. Дастурни бошқа телеканалга кўчириш варианти кўриб чиқиляптими, йўқми — бунга аниқлик киритилмаяпти.
Изоҳ (0)