Myanmaning Rakxayn shtatida istiqomat qiluvchi 4,2 mingdan ortiq kishi mamlakat g‘arbida avgust oyi oxirida avj olgan zo‘ravonlikdan so‘ng uyiga qaytishga muvaffaq bo‘ldi. Bu haqda Global New Light of Myanmar hukumat gazetasi ma’lum qildi, deya xabar beradi “TASS”.
Nashrning bildirishicha, Rakxayn shtati shimolidagi mojaro 30 mingga yaqin mahalliy aholini uyini tark etishga majbur qildi. Gap faqat Myanma fuqarolari haqida ketmoqda.
Shu bilan birga, BMT kuzatuvchilariga ko‘ra, mojaro hududidan qo‘shni Bangladeshga musulmon roxinjalarga mansub 370 ming qishi qochgan. Biroq Myanma rasmiylari ularning fuqaroligini tan olmaydi va mamlakat hududidagi noqonuniy muhojirlar deb biladi.
Izoh (0)