Bir necha kun avval Meksikani 8,2 magnitudali zilzila larzaga soldi, unga osmondagi yorug‘lik chaqnashlari hamrohlik qildi, deb yozadi “Gazeta.ru” Sciencr portaliga tayanib.
Zilzilalar chog‘idagi bunday hodisalar ilgari ham kuzatilgan. 2014-yilda olimlar ularning tabiatini aniqladi. Chaqnashlar yashinlar yoki Meksika osmonidan uchib o‘tayotgan samolyotlar bilan bog‘liq emas. Ularning manbai tog‘ jinslari hisoblanadi.
“Muayyan tog‘ jinslarida to‘planadigan kuchlanish manfiy zaryadlangan kislorod atomlari juftliklarini ajratib yuborishi mumkin, ular tog‘ jinslaridagi yoriqlar orqali tashqariga elektr toki ko‘rinishida chiqadi. Agar atomlar ko‘p bo‘lsa, ular havoni ionlashatiradi va plazmani hosil qiladi, u esa o‘z navbatida nur ajratib chiqaradi”, — deya aniqlik kiritdi geologiya professori Leyla Ertolaxti.
Izoh (0)