O‘zbekiston Prezidenti Shavkat Mirziyoyev tashabbusi bilan Namangan viloyati To‘raqo‘rg‘on tumanida atoqli ma’rifatparvar Isxoqxon Ibrat nomidagi yodgorliklar majmuasini barpo etish ishlari davom ettirilmoqda. Bu haqda O‘zA xabar berdi.
Ilk matbaachilardan biri, bir necha tilni puxta bilgan ma’rifatparvar Isxoqxon To‘ra Ibrat xotirasini abadiylashtirish maqsadida mutaxassislar tomonidan ziyoratgoh, muzey va 240 o‘rinli xorijiy tillarni o‘rganishga ixtisoslashtirilgan maxsus maktabni o‘z ichiga olgan majmua loyihasi ishlab chiqildi.
Maktab qoshida sport zali, bosmaxona va yotoqxona ham qad rostlaydi. Qurilish ishlari qariyb ikki gektar maydonni egallagan.
Izoh (0)