Myanmaning Global New Light of Myanmar hukumat gazetasi qayd etishicha, “Roxinjalarni qutqarish Arakan armiyasi” jangarilari Myanma g‘arbidagi Rakxayn shtati hududida budda ibodatxonalarini yoqib, Budda haykallarini sindirmoqda, u yerda ikki haftadan buyon isyonchilarning muntazam armiya bilan to‘qnashuvlari davom etmoqda. Bu haqda “TASS” xabar berdi.
Ushbu shtat shimolidagi aholi punktlaridan birida boshi sindirib olingan Budda haykallari topilgan. Shuningdek, bir nechta budda ibodatxonalari yonganligi aniqlangan. Bundan tashqari, Myanma harbiylari Bangladesh bilan chegaraning katta qismida to‘siqlarga ziyon yetganini qayd etgan.
Gazeta ma’lumotlariga ko‘ra, beqaror vaziyat tufayli 400 dan ortiq maktab yopiq bo‘lib qolmoqda.
Myanmaning asosan musulmon roxinjalar yashaydigan Arakan shtatida oxirgi hafta davomida ko‘plab hujumlar va ommaviy qotilliklar sodir etildi. Ayni paytda 58 ming roxinja qo‘shni Bangladeshga qochib ketgani ma’lum.
Izoh (0)