Almazbek Atambayev “Qirg‘iziston bosh vaziri va hukumatining iste’fosi to‘g‘risida”gi farmonni imzoladi. Bu haqda Qirg‘iziston prezidenti matbuot xizmati ma’lum qildi, deya xabar beradi K-News.
Mazkur farmon bilan bosh vazir Sooronbay Jeenbekovning iste’fosi qabul qilindi. Qirg‘iziston hukumati ham iste’foga chiqarildi.
Bosh vazir, uning o‘rinbosarlari, vazirlar, hukumat a’zolariga yangi hukumat tarkibi shakllangunga qadar vazifalarini bajarishda davom etish topshirildi.
Eslatib o‘tamiz, oldinroq Qirg‘iziston Markaziy saylov komissiyasi bosh vazir Sooronbay Jeenbekovni prezidentlikka nomzod sifatida ro‘yxatga olgani haqida xabar berilgandi.
Izoh (0)