Алмазбек Атамбаев «Қирғизистон бош вазири ва ҳукуматининг истеъфоси тўғрисида»ги фармонни имзолади. Бу ҳақда Қирғизистон президенти матбуот хизмати маълум қилди, дея хабар беради K-News.
Мазкур фармон билан бош вазир Сооронбай Жээнбековнинг истеъфоси қабул қилинди. Қирғизистон ҳукумати ҳам истеъфога чиқарилди.
Бош вазир, унинг ўринбосарлари, вазирлар, ҳукумат аъзоларига янги ҳукумат таркиби шакллангунга қадар вазифаларини бажаришда давом этиш топширилди.
Эслатиб ўтамиз, олдинроқ Қирғизистон Марказий сайлов комиссияси бош вазир Сооронбай Жээнбековни президентликка номзод сифатида рўйхатга олгани ҳақида хабар берилганди.
Изоҳ (0)