Bugun,

  • USD 11095.31
  • RUB 173.84
  • EUR 10772.44

Germaniyaning g‘arbida qochoq sifatida yashayotgan suriyalik juftlik yangi tug‘ilgan qizchasiga Germaniya kansleri nomini berdi. Myunster shahrida 16-avgustda tug‘ilgan qizning to‘liq ismi — Angela Merkel Muhammad. Bu haqda “TASS” xabar berdi.

Foto: DPA

Foto: DPA

Qochoqlar Suriyadan Germaniyaga 2015-yilda Bolqon yo‘nalishi bo‘ylab kirib kelgan. Muhojirlar Germaniya hukumati rahbarining arab mamlakatlari fuqarolariga chegaralarni ochish haqidagi qaroridan so‘ng Yevropaga intila boshladi. Inqiroz cho‘qqisiga chiqqan vaqtda Germaniyaga bir kunda 10 mingtagacha qochoq kirib kelgan. Shu sababli bir muddat Merkelning siyosiy reytingi pasaydi, fuqarolarning uning hukumati faoliyatiga nisbatan noroziligi kuchaydi. Vaqt o‘tishi bilan inqiroz chekindi.

Muqaddas Fransiska klinikasi vakilining xabar berishicha, o‘z qiziga Germaniya kansleri ismini qo‘ygan suriyalik oila hukumat rahbariga o‘z minnatdorchiligini bildirdi. Angela qizchaning ismi, Merkel esa uning ikkinchi ismi hisoblanadi.

Bu birinchi holat emas. 2015-yilda Ganadan kelgan oila minnatdorchilik sifatida yangi tug‘ilgan qiziga Angela Merkelning ismini qo‘ygan edi.

Izoh
Asosiy yangiliklar
Afg'oniston
Amerikaliklarga qaraganda samaraliroq: “Tolibon” Afg‘onistondagi ko‘knori maydonlarini qanday yo‘q qilmoqda?
Dunyo
Muzlatkich ichida jon saqlagan bola, Apple’ning yangi mahsulotlari, sudga chaqirilgan shahzoda — 6-iyun suratlari
Mahalliy
“Protivogaz kiydirib uribdi, bo‘g‘ishgan, barmoq izlari bor, itni ham bu darajada qiynoqqa solmaydi” — Bo‘kadagi IIB binosida o‘ldirilgan marhum haqida (video)