Rossiyaning “Avanti” tadbirkorlar uyushmasi Markaziy bankka Vladimir Putinning portreti tushirilgan kupyura bosib chiqarishni taklif qildi, deb yozadi “RBK”. Uyushma rahbarining maslahatchisi esa Rossiya prezidenti matbuot kotibining qizi Yelizaveta Peskovadir.
“Biz iloji boricha qisqa muddatlarda Rossiya Bankining nominali 10 ming rubl bo‘lgan, Vladimir Putin tasviri tushirilgan kupyurasini chiqarishni va uni cheklangan hajmda esdalik banknotasi sifatida muomalaga kiritishni taklif qilamiz”, — deyiladi “Avanti”ning prezidenti Raxman Yansukov imzolagan murojaatda.
Yangi banknotaning kiritilishi Rossiya jamoatchiligini jipslashtiradi va fuqarolarda “pul mablag‘lari bilan muomala qilish madaniyati”ni oshiradi, deya taxmin qiladi “Avanti”dagilar. Tashabbus mualliflari Tailand tajribasiga ishora qildi, u yerda qirol Rama IX tasviri tushirilgan kupyuralarga ehtiyotsizlik bilan muomalada bo‘lganlar jinoiy jazoga tortiladi.
Izoh (0)