AQSh bojxona va chegara nazorati xizmati xodimlari 19-avgust, shanba kuni mamlakatning Meksika bilan chegarasida to‘xtatilgan yuk mashinasida 60 muhojirni aniqladi. Bu haqda “TASS” xabar bermoqda.
Muhojirlar gulkaram yuklangan taglik ostidan topildi. Kuzovdagi harorat 9 darajada atrofida bo‘lgan.
Xodimlar xizmat iti mashinani hidlab ko‘rib bezovtalanganidan so‘ng avtomobilni sinchiklab tekshirishga qaror qildi.
Mashinadagi muhojirlarning 22 nafari Gvatemala, 17 nafari Meksika, 13 nafari Salvador va sakkiz nafari Gonduras fuqarosi bo‘lib chiqdi.
Uni boshqargan Gvatemalalik haydovchi odamlarni noqonuniy tashishda ayblanib, qamoqqa olindi.
Izoh (0)