АҚШ божхона ва чегара назорати хизмати ходимлари 19 август, шанба куни мамлакатнинг Мексика билан чегарасида тўхтатилган юк машинасида 60 муҳожирни аниқлади. Бу ҳақда «ТАСС» хабар бермоқда.
Муҳожирлар гулкарам юкланган таглик остидан топилди. Кузовдаги ҳарорат 9 даражада атрофида бўлган.
Ходимлар хизмат ити машинани ҳидлаб кўриб безовталанганидан сўнг автомобилни синчиклаб текширишга қарор қилди.
Машинадаги муҳожирларнинг 22 нафари Гватемала, 17 нафари Мексика, 13 нафари Сальвадор ва саккиз нафари Гондурас фуқароси бўлиб чиқди.
Уни бошқарган Гватемалалик ҳайдовчи одамларни ноқонуний ташишда айбланиб, қамоққа олинди.
Изоҳ (0)