Marokash qiroli Muhammad VI terrorizm uchun hukm qilingan 400 dan ortiq mahbusni avf etdi. Bu haqda mamlakat adliya vazirligi ma’lum qildi, deya xabar beradi “RBK” .
Vazirlikka ko‘ra, mahbuslar o‘zini “qamoqxonada yaxshi tutgan” va “milliy qadriyatlarga sodiqligi”ni namoyish etgan.
Ayrim mahbuslar Kasablankada 2003-yil may oyida ro‘y bergan teraktga aloqador. Mazkur teraktda 45 kishi, jumladan, 12 nafar xudkush halok bo‘lgandi. Mahbuslardan biriga o‘lim jazosi 30 yil kamoq jazosiga almashtirildi.
Avf etish Marokash inqilobining 64 yilligiga bag‘ishlandi.
Izoh (0)